Ginakonsiderar ni PRO-6 Director Brigadier General John Bulalacao nga dulaon na lang ang mga Highway Police Assistance Desks ukon HIPAD sa Western Visayas.
Ini matapos ginsalakay sang mga rebelde nga New Peoples Army ukon NPA ang HIPAD sa Barangay Bancal, Alimodian sang nakaligad nga Sabado sang Hapon kon sa diin nakuha sang mga rebelde ang M 16 armalite rifle, 9 mm pistol, hand held radio kag mga bala sang police on duty nga si Police Corporal Janjan Anaya.
Ginhatagan pagtamod ni Bulalacao nga tuman ka layo sang mga HIPAD kabangdanan mahapos sa mga kaaway sang estado sa pag-atake sa mga ini.
Una na nga gin-ako sang Napoleon Tumagtang Command- NPA southern Panay ang nasambit nga pag-atake agud ipakita sa militar nga mabaskog gihapon ang ila puwersa.
