General Santos City—Mas makapalig-on sa kampanya sa kapulisan ug sa militar ang pagmuntar ug pasilidad sa mga check point sa dakbayan o ilang gitawag nga “Strong Checkpoints” sa Gensan City Police Office.
Sumala pa ni Police Sr. Supt. Raul Supiter ang City PNP Director sa Gensan City Police Office nga pinaagi sa mga gibutang nga mga high-end CCTV Cameras sa mga check points mas mapadali ang pagbantay sa mga otoridad tungod kay marecord ang tanang mga tao nga nagasulod sa Gensan.
Gawas sa CCTV hapit naman usab mahuman ang pagbutang ug mga Container van kansa magsilbing pahulayan sa mga pulis nga gabantay sa mga check points sa tumong nga mamintina ang maayong panglawas sa mga pulis nga nakabasi sa nagkandaiyang check point sa syudad.
Gipaklaro hinuon ni Supiter nga bisan pa aduna nay sama niini nga pasilidad dili pa gihapon kini syento porsyento nga garantiya nga dili malutsan sa mga bandido apan gipaniguro niini nga buhaton sa kapulisan ang tanan aron nga mahimong luwas ang syudad pinaagi sa tabang sa mga sibilyan. (Dave Silagan)
