ILOILO CITY – Ginapareview na ni Acting City Mayor Jose Espinosa III ang kasuguan angut sa probisyon sang kasuguan nga indi makabalibad ang mga hospital sa mga emergency cases.
Ini ang sabat ni Espinosa sa reklamo sang Iloilo City Emergency Responders sa pagpamalibad sang mga hospitals nga magbaton sang pasyente kun wala sang kaupod nga himata.
Ginkumpermar ni Espinosa nga nagareklamo man sa iya ang mga emergency responders.
Ginatugyan man sang acting city mayor sa City Disaster Risk Reduction and Management Office ang pagtuon sang sitwasyon.
Nagpaandam man si Espinosa nga mahimo makasuhan ang mga hospital nga indi magtatap sang mga pasyente nga ara sa emergency situation.
Facebook Comments
