Mga hospital sa probinsya ginakulang sang mga doktor—mga doktor indi interesado nga mag-obra sa provincial hospital?

ILOILO – Aminado si Dr. Raul Banias, Iloilo Provincial Administrator kag head sang Hospital Management Office sa probinsya nga ginakulang karun ang mga doktor sa mga provincial hospitals.

Suno kay Banias, ginahimo nila ang tanan agud mapun-an ang kakulang sang medical personnel sa 12 ka mga hospital sa probinsya halin pa sadtong 2015.

Subong man, nasubuan si Banias bangod daw kaangay nga indi interesado ang mga doktor nga magtrabaho sa mga hospital sa probinsya.


Ang average monthly salary sang doktor sa probinsya indi magnubo sa P45,000.00.

Suno kay Banias, ang mga doktor kag iban pa nga medical personnel amo ang ‘most favored’ nga mga empleyado sang probinsya bangod man sa compensation nga ginahatag sa ila.

Subong man, padayon nga ginakulang ang mga doktor sa provincial hospitals.

Kadam-an sa mga provincial hospitals ang nahamtang sa mga malayo nga lugar ka-angay sang Balasan, Sara, Alimodian, Barotac Viejo, Passi City, Pototan, Guimbal, Dumangas, Cabatuan, Janiuay, Lambunao, kag Calinog.

Facebook Comments