13 ka mga nagkalain-laing armas ug usa ka explosive ang giturn-over sa mga sakop sa Barangay Council sa Barangay Maligaya sa lungsod sa Polanco ning lalawigan ngadto sa ZN 1st Provincial Mobile Force Company (ZN 1ST PMFC) kagahapong adlawa Setyembre 2.
Mismo si Force Commander PLTCOL. Edwin Verzon, ang nanguna sa pagdawat sa mga loose Firearms didto sa ilang covered court.
Gilangkuban sa 9 ka improvised shotgun, 2 ka improvised rifle, usa ka improvised cal.30, usa ka cal.45 pistol ug usa ka hand grenade.
Si PLTCOL. Verzon, miawahag ngadto sa komunidad sa pagsurender sa ilang mga ihalas nga armas kun gustohon man gani nga mamahimong legal ang paghupot sa armas kinahanglan nga iproseso ang mga papales niini para maka kuha ug lisensya.
Isip bugti sa pag tahan sa mga loose fireamrs ang PMFC nanghatag ug mga relief goods ngadto sa mga nag uli sa ihalas nga armas lakip na ang gihimong feeding program
Midonar usab ang PMFC ug usa ka Portable Sound System ngadto sa Barangay Council sa Maligaya.
Mapasalamaton usab ang mga opisyal sa barangay Maligaya sa gihatag nga serbisyo sa mga pulis.
Sa Mensahe ni Brgy. Konsehal Lita Cagbabanua, iyang gibutyag nga ang pag tahan sa mga ihalas nga armas makatabang aron mapatunhay ang kahapsay ug kalinaw sa ilang barangay.(ZSM)
