Gin-umpisahan na paidalom sa medical profiling ang mga inmates sang South Cotabato Provincial Jail kag magapadayon pa ini suno kay Warden Juan Lansaderas amo nga kada Sabado may-yara sang doktor nga ipadala ang Provincial Health Office.
Suno kay Warden Lansaderas katuyuan sini nga mahibaluan kon sin-o nga mga inmates ang may balatian agud nga pag-abot sang panahon nga kinahanglan dal-on sa ospital indi na sila mabudlayan kag para mahibaluan man nila kon ano nga klase sang bulong ang baklon agud nga may-yara sila sang gamiton sa tion sang emerhensya.
Kabahin man suno pa ini sang ila nga security measures tungod pipila ka mga inmates ginagamit nga alibay ang balatian agud nga madala sa ospital kag makatyansa nga makapalagyo.
Ini matapos nga may-yara man sang nadeploy nga nurse sa provincial jail agud nga sa tion nga may-yara sang inmates nga magbalatian gilayon nga madapatan sang medikasyon kag kon kinahanglan nga dal-on sa ospital.
