CAUAYAN CITY – SINIRA AT PINAGPIPITPIT NG MGA AWTORIDAD ANG MGA NAKUMPISKA AT KUSANG ISINUKONG IPINAGBABAWAL NA PAPUTOK SA LALAWIGAN NG CAGAYAN BILANG BAHAGI NG PINAIGTING NA OPERASYON MATAPOS ANG PAGSALUBONG SA BAGONG TAON
ANG IKINASANG SIMULTANEOUS DESTRUCTION OF CONFISCATED/SURRENDERED FIRECRACKERS AY PINANGUNAHAN NG CAGAYAN POLICE PROVINCIAL OFFICE AT BUREAU OF FIRE PROTECTION.
AYON SA ULAT, UMABOT SA KABUUANG 749 NA IPINAGBABAWAL NA PAPUTOK ANG NAKOLEKTA AT TULUYANG WINASAK. KABILANG DITO ANG 331 PIRASO NG BOGA, 180 PIRASO NG 5-STAR, 120 ASSORTED LUCES, 58 NA PAKETE NG PICCOLO, 21 PIRASO NG PLA-PLA, 9 KWITIS, 8 ASSORTED FOUNTAIN, 3 JUDAS BELT, AT 19 SUPER LOLO.
MULI NAMANG NAGPAALALA ANG KAPULISAN SA PUBLIKO NA IWASAN ANG PAGGAMIT NG MGA IPINAGBABAWAL NA PAPUTOK AT MAGING MAINGAT SA PAGDIRIWANG NG BAGONG TAON UPANG MAIWASAN ANG AKSIDENTE AT IBA PANG INSIDENTE.
