Gihupay karon sa Proncial Health Office kon PHO Bukidnon ang kabalaka publiko mahitubong sa pagkaon ug isda.
Kini human ang nikatap karon sa social media ug text nga kining daw gidili una ang pagkaon og isda kay daw magka-HIV subay niining medical waste nga napalgan sa baybayon sa dagat.
Sa interview sa RMN Malaybalay ngadto kang Joseph Marben Gealon, ang medical technologist ug HIV AIDS Coordinator sa PHO Bukidnon gitawag niini nga fake news ang maong nikatag nga report o mensahe nga dili angay mokaon sa mga isda kay natakbuyan sa kagaw gikan sa maong medical waste.
Matud sa PHO nga dili angay ikabalaka ang nadiskobre nga hospital tubes.
Gidugang niini nga dili makuha ang HIV pinaagi sa pagkaon.
Sigun ni Gealon nga 100% nga dili tinood ang mao nga gipakatag sa social media.
Gibutyag niini nga upat ka klase lamang ka pamaagi nga matakdan sa HIV virus ang usa ka tawo, una pinaagi sa likido gikan sa lalaki; ikaduha, likido gikan sa babaye; ikatulo, pinaagi sa gatas sa inahan nga positibo sa HIV; ug ang ika-upat mao ang blood to blood products, ug wala nay lain pa.
Giklaro ninii nga walay transmission sa HIV gikan sa hayop ngadto sa tawo ug mutakboy lamang kini pinaagi sa tawo ngadto sa tawo.
Gidugang ni Gealon nga nga dili motakod sa mga isda ang maong sakit sukwahi sa gipakatag nga impormasyon sa pipila ka iresponsable nga tawo.
Maong awhag niini sa mga tawo sa Bukidnon nga mubalik na ug kaon sa mga isda tungod kay luwas kini kaunon.
