General Santos City— Gi-angkon ni Gensan City Mayor Ronnel Rivera nga wala pa nakaabot kaniya ang reklamo bahin sa sumala pa duha na kabulan nga wala makadawat ug sweldo ang mga job order sa dakbayan.
Sumla niya nga iyaha pang ipasuta kung asa nga departamento na-aasign ang mga job order nga wala nakadawat ug sweldo ug kung unsa ang hinungdan ngaong miabot ug duha ka bulan nga wala sila ma-swelduhan.
Apan nauna ng gibutyag ni Glenville Gonzales, assistant City Administrator nga ang mga Job Orders nga na-assign sa Dr. Jorge P. Royeca ang wala makadawat ug sweldo gumikan na usab sa kulang nga requirements aron sila ma-swelduhan.
Sumala niya pipila sa mga J.O ang wala nagpa-ilalom ug drug test nga nag-unang gikinahanglan aron nga ma-proseso ang ilahang binulang sweldo.
