ILOILO City – Wala ginapilit ang mga jobhires nga makigbahin sa pag-ulikid program ni mayor Jose Espinosa III tagsa ka Sabado.
Suno kay City Administrator Atty. Hernando Galvez, team leader sang pag-ulikid program, hayag niya nga ginhambalan ang mga jobhires nga magbulig sa pagpahibalo sa ila mga kaingod balay nga may palaabuton nga aktibidad sa ila barangay.
Panindugan ni Galvez wala sila ginapilit bangud lapas ini sa kasuguan.
Subong man ginsiling ni Galvez nga kun ang pribado nga sector nagabulig sa syudad indi man malain kun makigbahin ang mga empliyado sang syudad sa pag-ulikid program.
Ginbalikan pa ni Galvez ang mga nagapakamalaut sang programa sa pagpahayag nga amo mismo ang nagapamulitika sa isyu.
Photo via Iloilo City Government
Facebook Comments
