Davao City – Samdan ang usa ka sundalo sa laing engkwentro nga miulbo sa Sitio Panas, Brgy. Carcor, New Corella, Davao del Norte kagahapong adlawa, Abril 23.
Kini ang gikumpirma ni 71st Infantry Battalion CMO officer Lt. Jhocell Asis atol sa interview sa DXDC RMN Davao samtang wala pa nila nasuta og aduna bay napagan sa pikas pundok.
Sumala niya, nagsugod ang engkwentro bandang alas 9:30 sa buntag diin milungtad ang binakbakay tali 4th Scout Ranger Company ug New People’s Army kun NPA.
Narekober sa kasundaluhan ang usa ka AK-47, duha ka improvised explosive devices ug usa ka Claymore mine nga gipanag-iyahan sa mga rebelde.
Sa karon, mas gipahugtan sa kasundaluhan ang paglusad og checkpoint operation sa nasangpit nga lugar alang sa giingong possible withdrawals sa NPA.
RadyoMaN Renz Barbarona
