Syudad sang Iloilo – Wala untat ang paglapta sang mga posters sang mga politico sa indi common poster areas sang syudad.
Maluwas sini madamo man sang mga posters nga wala nagasunod sa ginapahanugotan nga size sang comelec.
Sa pinakaulihi nga Oplan baklas sang Iloilo city COMELEc kag division of Anti-Squatting and Illegal Structures ukon (ASIS) kag sang Philippine National Police (PNP), naglambot sa masobra sa isa ka gatos nga mga posters ang ila nakakas sa nagkalainlain nga bahin sang syudad.
Bangud sini nagdangat na sa masobra isa ka libo nga mga posters ang nakakas sugod sang nag-operate sang oplan baklas ang city comelec, city government KAG PNP.
Kahapon nagconduct sang ‘Oplan Baklas’ ang team sa pagpamuno ni election assistant III Jonathan Sayno sa Plaza Libertad, JM Basa St., Iznart St., Muelle Loney St., General Luna St., Diversion Road, kag distrito sang Mandurriao sa mga posters nga wala sa common poster area kag oversized posters.
Bangud sini pagasapulon sang city comelec ang mga tiglawas sang national candidates agud liwat nga ma-orient sang pagsulondan sa pagkabit sang mga campaign posters.//via Joel Franco reports
Photo from web
