Kadaghanang mga kapitanes dinhi sa Caraga Region buot nga magpabilin sa posisyun ug gustong iduso ang sugyot nga wala nay eleksyun pa sa bulan sa Mayo sa kasamtangan nga tuig.
Sa gipahigayong public hearing sa Commission on Election didto sa Cagayan de Oro City naobserbahan ni Atty. Ernie Palanan, Comelec Officer na sagad sa mga manifestation o position papers sa mga Barangay kapitan ang gustong mapostponed ug dili mahinayon ang Barangay ug SK Election sa Mayo.
Niya pa nga gihimong rason sa mga Barangay opisyal kay kuno adunay NPA sa lugar, Kinahanglan pa mag-implement ug drug operation sa Barangay.
Samtang gihingusgan sa mga Sectoral Organization sama sa grupo sa mga Senior Citizen, IP’s ug kabatan-onan nga mitambong usab sa Public Hearing kagahapon nga dapat idayon gyud ang election.
Ilang rasun bisan ug gipailalom sa Martial law ang Mindanao apan malinawon ug wala may kagubot nga nahitabo dili sama sa nahitabo kaniadto sa Marawi.
Matud pa nga walay factual nga basehan aron nga dili ihinayon ang election sa Mayo.
