General Santos City—Gikatakdang pasakaan ug kaso ang unom ka mga suspetsadong karnaper nga una nang nasikop sa tropa sa Cotabato PNP ug uban pang unit sa kapulisan nga silang si Penpen Alamada Kalon, Alvin Mabandis Alon, Rowena Epanto Balane, Guihidin Kusain Mamalas, Kenneth Bandal ug Jorhamin Tato Abang.
Sumala ni Police Sr. Supt. Rolly Octavio, Hepe sa Cotabato PNP atol sa pakighinabi kaniya sa RMN Gensan nga ilang narekober sa posisyon sa mga suspek ang usa ka Yamaha DT-125 nga may plate no. FF-2856…
Nasikop ang mga nahisgutan gumikan na usab sa gipakusgang kampanya sa batok karnaper human sa sunod sunod nga kaso sa pagpangarnap sa maong syudad.
Dugang pagbutyag ni Col. Octavio nga miyembro sa organisadong grupo ang unom ka mga suspetsadong ilang gisikop.
Sila maoy responsabli matud pa sa sunod sunod nga pagpangarnap sa ilang AOR ug mga kasigbit nga lugar. Sa karon ginasuta pa kung si kinsa ang lider sa maong grupo ug uban pang mga kaubanan sa mga nahisgutan.
