TACLOBAN CITY – Diri sadang mabaraka an mga taga Rehiyon Otso ha measle outbreak nga natatabo ha pipira nga lugar han nasod, ini in sumala ha Department Of Health Region 8.
Basi ha datos han DOH 8, tinikangan dida han Enero tubtob kakulop in mayada na 10 nga kaso hin measle o tipdas dinhi ha Rehiyon, 3 nga taga Southern Leyte, 3 nga taga Biliran, 2 ha Samar, ngan usa ha Leyte ngan Eastern Samar.
Pero sumala kan John Paul Roca, Public Information Officer han DOH Region 8, ha 10 nga naitala nga kaso hin tipdas ha Rehiyon in 7 pala dinhi an kompirmado basi han report tikang ha Research Institute for Tropical Medicine (RITM) ha Manila.
Agud malikyan nga magka mayada hin Measle Outbreak ha Rehiyon, nagpapadayon an panawagan han DOH ha mga kag-anak han mga kabataan nga nag-eedad 5 paubos nga mapakipagsumpayan ha mga tagsa-tagsa nga Rural Health Unit agud pabakunahan hin measle vaccine an ira mga anak.
Sumala naman kan Elaine Villarosa, Measles Program Coordinator han DOH, diri magtagya ha sakit nga tipdas mahitungod nga ini nga sakit in madali makatapon ha mga kabataan.
