Davao City- Angayan lang ibalik sa pamilyang Marcos ang ilang mga gipangkawkaw nga mga bahandi tungod kay iya kini sa katawhang Pilipino.
Sumala ni AKBAYAN Spokesman Prof. Randy Ponteras, karon na ang panahon nga ilang i-uli aron usab matabangan o mabayran ang mga biktima sa tawhanong katungod niadtong panahon sa diktador nga padayon karong nagpaabot ug itabang usab sa mga tawo nga nag-ilaid sa kawad-on.
Angayan lang nga mo-entra sa negosyo ang gobyerno tali sa pamilyang Marcos, aron hinay-hinay nga mabawi ang mga kabtangan nga ilang gikuha sa panahon ni Presidente Ferdinand Marcos.
Susama ang baruganan nila ni Randy Ponteras AKBAYAN Spokesman ug Nelson Padiranga Human Rights Victim Arbiter, nga ibalik sa Pamilyang Marcos ang mga kabtangan nga ilang gikuha gikan sa katawhang Pilipino, apan sa hisgutanang wad-on na lang ang mga kaso sa Marcos sa higayong ila nang i-uli ang mga bahandi nga ilang nakuha, pareho silang dili pabor.
Matud ni Ponteras, kinahanglan mahatag ang hustisya sa mga biktima sa Martial Law ug dili ibugti ang pag-uli sa mga kabtangan.
Kasamang Bernard Pantallon
