Mga kasundaluhan ginpabuthan hin bomba, 6 patay, 20 samaran

TACLOBAN CITY – Ginpabuthan hin bomba an mga kasundaluhan nga nagdumara hin combat operation ha sitio Bangon, Brgy. Pinanag-an, Borongan City, Eastern Samar kagab-i, November *11.*

Unom (6) an patay ngan 20 naman an samaran ha pwersa han kasundaluhan. Usa naman an narekober nga patay nga lawas ha pwersa han New People’s Army (NPA).

Subay ha inisyal nga imbistigasyon, tulo nga sections han Charlie ngan Alpha Coy han 14th Infantry Battalion han Philippine Army an nagdudumara hin combat operations alas 5:00 han kulop kun diin nagkaada hin engkwentro kontra ha purluminos 50 nga mga rebelde.


Umabot ha 30 minutes an firefight. Unom nga improvised explosive devices (IEDs) an nareport nva bumuto antis pa man an engkwentro.

Killed-in-Action hira Sgt. Rex Jadulco , Cpl. Ronald Go, Cpl. Limar Banug, PFC. Kent Loyd Agullo, Pvt. Charlie P Del Rosario, and Pfc. Junmar D Buranday. Wounded-in-Action naman hira Sgt. Kenneth John Arcina, Sgt. Cyril Baja, Sgt. Rando Soria, PFC. Albert Abegonia, PFC. Denmark Gonsaza, PFC. Dandreb Gealon, PFC. Reil Bilason, PFC. Gilbert Renegado, PFC. Rex Batis, PFC. Jerwin Omrob, Pvt. Darwin Aborquez, Pvt. Joshua Pacuan, Pvt. Roger moore Ditche, Sgt. Marlon Orsal, Cpl. Dominador Antonio, Cpl. Aljon Aguillos, Cpl. Linlito Donayre, PFC. Mark Geric De Leon, PFC. Rene Abuda, and Pvt. Jayson Beros

Ginpapanginano pa han mga otoridad kun hin-o an napatay nga usa nga rebelde.

Ha pagka yana, nagpapadayon an clearing. Gan retrieval operation han Philippine Army.

(Photo from web)

Facebook Comments