IPHO South Cotabato target nga mapalapta ang IEC materials Kontra Paputok sa una nga semana sang Disyembre.

Target sang Provincial Health office sang South Cotabato nga magapalapta sang Education Information Campaign materials Kontra Palupok sa una nga semana sang Disyembre, ini sa tion nga mag-abot na suno pa ang opisyal nga IEC materials kag tarpaulin halin sa Department of Health.
Puntirya naman nila sa kampanya kontra palupok , suno kay Hanah Ebeo, Health Education and Promotion Officer sang IPHO ang mga kabataan nga masami biktima sang palupok pag-abot sang selebrasyon sang paskwa kag bag-ong tuig.
Ini matapos nga base sa datos sang nagligad nga tuig nga kaso sang firecracker-related injuries sa probinsya kadam-an sa mga biktima ang edad 0 tubtob 10-anyos ginasundan sang 11 tubtob 20-anyos.
Samtang lakip man sa ipalapta nga IEC materials ang indi pagbalewala sa magamay nga pilas tuga sang palupok tungod posible mangin kabangdanan ini sang tetanus.
Suno kay Ebeo magasentro sa gihapon ang ila nga kampanya sa nagahilapit nga selebrasyon sang paskwa kag bag-ong tuig ang Iwas Paputok, Community Fireworks Display ang Patok.

Facebook Comments