TACLOBAN CITY – Siyam nga kasundaluhan an samaran matapos an engkwentro kontra ha mga gin-aaligar myembro han Communist New People’s Army (NPA) ha remote area han Barangay Bay-Ang, San Jorge, Samar dida han sabado.
Sumala kan Lt. Col. Rizaldo Laurena, Commanding Officer han 63rd Infantry (Innovator) Battalion, tipakadto an tropa han militar ha barangay bay-ang han nasabi nga bungto han makit-an nira an mga armado nga grupo.
Dida na nagtikang an engkwentro kun diin naglabog pa hin Improvised Explosive Device (IED) an mga nasabi nga gin-aaligar NPA ngadto ha mga kasundaluhan.
An resulta, siyam ha mga kasundaluhan an samaran.
Diri naman madetermina han Philippine Army kun pira an casualty ha kaluyo nga grupo.
Dayon naman nga gindara an mga samaran nga sundalo ha pinaka harani nga hospital.
