General Santos City— Dakong tabang alang sa kapulisan ang paggamit ug half face mask o half face helmet kini aron mas daling mailhan ang mga kriminal nga sagad responsible sa mga pagpamusil-patay sa dakbayan
Apan gibutyag ni Gensan City Councilor Atty. Jose Edmar Yumang, nga sa roposal sa half face helmet nga iyahang ginarespeto ang baruganan sa mga tawong posibleng maapektuhan sa posibleng ordinansa.
Sumala niya nga labing mahinungdanon gyud ang makita ang hulagway sa mga nagamotorsiklo apan iyahang gibutyag nga mas maayong paminawon usab ang mga yango-ngo sa mga motorista.
Rason nga adunay pagahimuon nga consultative hearing kung asa iyahang giimbitahan ang tanang sektor gikan sa mga motorista, kapulisan, lakip na ang medical society kini aron madunggan ang ilahang mga yango-ngo.
Samtang, gibutyag ni City Councilor Atty. Jeng Gacal, Chairman Sa Committee On Peace And Order nga dakong tabang gyud sa pagsulbad sa krimen kung makit-an ang hulgway sa mga kriminal.
Apan higayon nga mu-alma na ang katawhan, kinahanglan matud pa nga sila ang paminawon usab. Gani kung siguridad ang rason sa mga motorista sa pagpalag sa maong sugyot balaudnon, alang kaniya mas labing mahinungdanon nga luwas ang katawhan.
Kung dili man mapasar ang paggamit ug half-face helmet sa dakbayan, adunay mga poamaagi aron masulbad ang krimen sama sa police visibility.
