Kinaandan na nga ang pagkaupaw sang buhok, nagadala sang negatibo nga impression.
Sa masami nagadala ini sang stigma gikan sa publiko.
Pero sa pagtuon sang University of Pennsylvania, ang mga lalaki nga may pattern sang pagkalbo ukon ang mga nagashave sang ila ulo mas confident kag masculine kun ipaanggid sa mga may buhok.
Base sa pag-rate sang mga lalaki kag babaye nga estudyante, nakita nga ang mga kalbo mas mataas ang ila attractiveness, mas may salig sa kaugalingon kag mas dominante sa opposite sex.
Ang criteria may tatlo ka kategoriya nga ginalakipan sang over-all attractiveness, confidence kag dominance.
Natukiban nga ang mga kalbo mataas ang ila rating sa tanan nga categories kun ipaanggid sa mga may madamol sang buhok.
Maluwas nga attractive, ang mga lalaki nga kalbo mas mataas tulokon sang sa ila orihinal nga height.
