Davao City – Nakadagan pa ang usa ka lalaki human gipusil sa wala pa mailhing suspect sa Purok 28-A Kawayanan, Barangay Madaum, Tagum City niadtong April 28, 2024 apan, nakabsan gihapon kini sa kinabuhi.
Sa impormasyong gipadala sa DXDC RMN Davao gikan kang PLtCol. Jerick Filosofo, ang officer in charge sa Tagum City Police Office, naila ang mga biktima nga mao sila Jorrin Relator ug Nick Basa.
Sa imbestigasyon, nagtan-aw lang ang mga biktima og bilyar sa ilang silingan dihang kalit lang nga miabot ang wala mailhing lalaki ug sa walay igong rason, namusil kini sa makadaghang higayon dayong sibat sa wala matinong direksyon.
Gisuwayan pa og revive si Relator apan wala na kini matabang pa samtang si Basa, anaa na sa maayong sitwasyon human makahiagom og pinusilan sa tiil.
Sa karon, personal nga bangi ang gilantaw nga motibo sa krimen samtang nagpadayon ang imbestigasyon sa kapulisan sa Tagum City.
RadyoMaN Ivy Parido
Facebook Comments
