General Santos City—gibaharan ni Maasim OIC Mayor Uttoh Salim Cutan ang mga lambigit sa iligal nga droga sa lungsod nga undangan na ang paghilambigit niini.
Sumala sa mayor nga kung dili nila buot muundang sa maong iligal nga gimbuhaton, mas maayong muhawa nalang sila sa lungsod sa maasim tungod dili matud pa sya magpanuko sa pagpasikop sa mga nasangpit ngadto sa kapulisan.
Sa kasamtangan iyang kamanduan matud pa sa Maasim Municipal Police Station nga mas palig-unon pa ug mas pakusgan ang kampanya batok illegal drugs ug uban pang iligal nga aktibidad.
Andam matud pa syang mutabang sa mga lambigit sa droga nga gustong magbag-o sa ilang kinabuhi apan nungka matud pa nga iyang i-tolerate gihayon nga subling mamalik ang mga nasangpit sa paglambigit sa illegal drugs.
