General Santos City–Gipaniguro ni Police Sr. Supt. Raul Supiter , City PNP Director sa General Santos City Police Office (GSCPO) nga luwas ang tanang lang-yaw nga mobisita ug kasamtangang anaa sa syudad luyo paman sa travel advisory nga gipagawas sa EU ug ubang pang mga kanasuran human ang nahitabong pagbusikad sa Cotabato City niadtong Bisperas sa bag-ong tuig nga gikamatay sa duha ka biktima ug gikaangol sa 34 pa ka indibidwal .
Sumala pa ni Police Sr. Supt. Supiter nga na account sa gscpo pinaagi sa ilang intelligence unit ang tanang mga langyaw nga nia sa syudad ingon man kung asa sila nahimutang aron nga masiguro ang ilang kaluwasan.
Ginapatuman matud pa sa PNP ang foreign Liaisoning aron nga ilahang ma-account ang tanang langyaw sa syudad.
Samtang dili man usab makahatag ug komento si Col. Supiter sa gipakanaog nga travel ban sa Mindanao sa mga langyaw nga mga kanasuran apan iyahang gipaklaro nga aduna lang parte sa Mindanao ang adunay kagubot apan tungod kay parte ang Gensan sa Mindanao posibleng malakip lang sa travel ban sa ubang nasud. (Dave Silagan)
