Gipahigayun ang 5 ka adlaw nga Capability Training alang sa tanang mga Local Engineers, Planning Officers ug Traffic Officers sa mga local nga kagamhanan sa Agusan del Norte ug Agusan del Sur – nga gipasiugdahan sa Department of Transportation (DOTr) Caraga, sulod sa Balanghai Hotel ning syudad sa Butuan. Gitawag ang aktibidad ug “Local Public Transportation Route Planning Course” diin katuyuan niini aron matudloan sa DOTr ang mga LGU’s unsay pamaagi aron dali sila makabukas ug rota sa mga public utility vehicles (PUV) alang sa kaayohan sa mga anaa sa transport sector. Sigun ni Cristina Cassion, information officer sa DOTr Caraga nga daghan sa mga LGU’s sa entero rehiyon ang dugay makabukas ug rota alang sa mga PUV’s gumikan sa kakulangon sa kahibalo diin kung dili magbukas ug rota ang mga LGU’s wala usay prangkisa nga mahatag ang LTFRB. Malipayong gitahu usab sa opisyal nga gipasar na sa LTFRB Board ang resolusyon nga nagbukas sa rota alang sa Butuan – Cabadbaran ug Butuan – Bayugan nga UV Express. Lauman nga anaa pay sunod nga mabukas nga rota tungod kay anaa sa 14 ka mga new routes ang gi-propose sa DOTr.
Sent from my Samsung Galaxy smartphone.
