Makighiusa ang mga nagkadaiyang local government unit kon LGU’s dinhi sa probinsya sa Bukidnon sa pagahimoon nga earth hour unyang gabie.
Ang Earth Hour himoon sa alas-8:30 sa gabie.
Kada Earth Hour, gidasig ang tanan nga palungon ang suga sa sulod sa usa ka oras.
Tumong niini nga madasig ang tanan nga makunhuran ang energy consumption.
Gihimo usab kini aron mahigmata ang mga tawo sa hinay-hinay nga pagkaguba sa kinaiyahan.
Sa Malaybalay City, gidasig ang tanang empleyado sa City Government of Malaybalay nga mulambigit sa earth hour pinaagi sa pagpalong sa suga o kuryente sa ilang mga tagsa-tagsa ka panimalay unyang gabie gikan sa alas 8:30 PM hangtod 9:30 PM.
Ang mao nga awhag subay sa memorandum nga pinetsahan kaniadtong Marso 28 ning tuiga.
Samtang sa Valencia City, gi-awhag usab niiini nga mga local ug national nga buhatan apil na ang 31 ka mga barangay sa mao nga siyudad nga paghimo ug pagpalong sa suga ilabina kadtong mga dili na kinahanglang suga, apil na ang mga streetlights, signages ug ubang pang suga sa pasilidad ug pinuy-an atol sa mao nga kalibutanong kalihukan.
