*General Santos City- Nagpaabot og patimbaya og kalipay ang mga lider sa General Santos City, Sarangani Province og South Cotabato sa pagsaulog sa RMN Networks sa ika-65 ka tuig niining kasumaran.*
*Alang kang Gensan City Mayor Ronnel Rivera nga dili basta-basta ang 65 ka tuig nga magpabiling malig-on nga network og mao kana ang RMN. Panghinaot sa Mayor sa syudad sa Gensan nga magpadayon ang maayong dedikasyon sa RMN sa paghatod sa mga impormasyon og ingun public service sa katawhan ilabi na sa syudad sa Gensan pinaagi sa RMN-DXMD GENSAN.*
*Kauban usab niini ang mga patimbaya sa mga konsehal sa Gensan. Alang kang Gensan City Councilor Atty. Franklin “Jeng” Gacal nga dakong tabang ang RMN gensan sa pagpaabot ngadto sa katawhan sa gensan sa mga programa sa gobyerno.*
*Dako usab ang kalipay ni Sarangani Province Governor Steve Chongbian Solon nga nahimong partner sa probinsya sa Sarangani ang RMN aron nga mapaabot sa katawhang Sarangans ang mga programa niini pinaagi sa airwaves.*
*Dili matud pa ikalilong nga nagpabiling dominante ang RMN gensan sa tibook Sarangani tungod sa ilahang dedikasyon og tinood nga balita.*
*Panghinaot usab ni South Cotabato 1st District Congress Pedro Acharon Jr. nga unta ipadayon sa RMN ang paghatag og serbisyo publiko sa mas nanginahanglan.*
*Kung kahibaloan nga ang mga opisyal sa Soksargen ang mitabang usab aron nga mapahiluna ang Mission 2017: Handang Tumulong Sayo Medical Mission sa Petsa 28 ning bulana. *
