Roxas City, Capiz – Mayorya sang mga local government units (LGUs) sa probinsya sang Capiz ang nakatukod na sang tagsa nila ka task force agud nga tapnaon ang insurhensya sa ila nasakopan.
Ini ang ginkumpirmar ni Provincial Director John Ace Azarcon sang DILG- Capiz kun sa diin humalin sa provincial, city padulong sa municipal government, 15 na halin sa 18 LGUs sa Capiz ang nagkrear sang local Task Force to End Local Communist Armed Conflict (TF-ELCAC).
Base sa ila record, ang Municipal Development Council kag Peace and Order Council sang banwa sang Dumalag, Dumarao kag Panitan ang natalana nga magpapasar sang resolusyon nga magakrear sang sang tagsa nila ka Task Force to End Local Communist Armed Conflict.
Nahibaluan nga ang pagtukod sang task force ang ginamando sa idalom sang Executive Order No. 70 nga ginpapanaog ni President Rodrigo Duterte nga institutionalizes sang “Whole-of-Nation” approach agud nga malab-ot ang “inclusive and sustainable peace” sa bilog nga pungsod.
photo(c)- PDEA Capiz
