Roxas City, Capiz – Naka-abot na kahapon nga adlaw sa Roxas City ang katorse(14) tanan ka mga locally stranded individuals(LSIs) nga naghalin sa isla sang Boracay.
Sakay ang mga ini sa ginrentahan nga duha ka van kag ginsugat naman sang mga personnel sang CDRRMO sa boundary sang Aklan kag Capiz sa banwa sang Sapian.
Ginpaidalom sila gilayon sa Rapid Testing kag pareho nga nag- NEGATIBO ang resulta.
Mahibaluan nga base sa latest National Task Force Against COVID-19 order number 2020-02, ang tanan nga ma-assess sang Local Health Office nga negatibo sa Rapid Test Result ang igadul-ong sang LGU sa iya place of residence kag magasugod sang 14-day Home Quarantine.
Samtang iga-monitor naman ang mga ini sang tagsa nila ka mga barangay officials kag BHerts.
