Dipolog City-Kagahapong adlawa gihimo ang ceremonial turn over sa 104 ka mga loose ug unrenewed firearms didto sa Dipolog City Station, brgy. Sta Isabel Dipolog City.
Gitambungan kadto sa mga lokal nga opisyal, taga AFP pinaagi ni 97IB Major Rodolfo Lamban, Comelec Dipolog pinaagi ni Atty Calo ug sa Pnp Dipolog sa pagpanguna ni OIC, COP PSupt Gilzen Nino Manese
Didto gipresentar sa hepe ang mga armas gilangkuban kini sa 46 kabuok nga mga Short ug Long FAs gikan sa city government dinhi sa Dipolog, samtang 33 sab kabuok ang gikan sa kagamhanang probinsyal ug lain pang 25 ka buok nga mga armas nga gikan sab sa nagkadaiyang barangay sakop ning dakbayan.
Ang pag tahan ning maong armas may kalabutan sa padayong kampanya sa kapulisan sa Oplan Kontra Boga, plan Katok ug may kalabutan sab kini sa Comelec Gun ban para sa hapsay ug malinawon nga piniliay sa Mayo 2019.
Dugang pa gibutyag sa hepe ning dakbayan nga mo abot sa usa ka libu ang mga armas nga ilang ginamonitor karon sakop sa tibuok Dipolog City nga paso na ang lisensya apan ang uban niini gi proseso na ang lisensya.
Samtang nag awhag sab si RCSU SPO3 Samuel Piape Jr, nga padayon pa gihapon ang iyang pagpangdawat sa buot magpa lisensya sa mga armas bisan paman comelec gun ban tungod kay matod niya dili man kinahanglan dad-on ang armas kun dili ang mga papeles lamang.
