Pagadian City –
Nagpahimangno ang Zambosur Task Force Covid ngadto sa mga Locally Stranded Individuals ug Returning Overseas Filipino nga mutuman gayud sa quarantine protocol ug makanunayong sul-obon ang ilang identification bracelet (ID bracelet) sulod sa 14 ka adlaw.
Human sa ilang rapid test ug orientation sa airport ug Megayon area sa dili pa sila iturnover sa ilang mga local isolation units.
Sa eksklusibo nga interview sa RMN-DXPR kang Dr. Anatalio Cagampang Jr., Chief of Hospitals sa Zamboanga del Sur Medical Center atol isip pamaagi aron mamonitor ang mga nanguli sa probinsya hugot nga gipatuman ang rapid testing ug orientation diha palang airport ug Megayon area sa dili pa sila iturnover sa ilang mga local isolation units ug lakip na niini ang pahinumdum ng dili makalakaw o makagawas samtang gikwarantinas sa ilang isolation area.
Nakita kini nga pamaagi sa task force nga makadawat sila ug mga reklamo nga dunay mga LSI ug ROF nga imbis naka-home quarantine ang migawas sa ilang panimalay ug nagsuroy-suroy.
Ang ID bracelet nga gama sa plastic nga dunay kolor blue ug pink nagtangag sa mga pangalan sa indibidwal ug ang otorisado lamang nga motangtang niini mao ang RHU o health worker kon asa gi-isolate ang LSI o ROF human nga matapos na niya ang katorse ka adlaw nga mandatory quarantine ug kun ila kining tangtangon dili sila mahatagan og clearance.
Matud pa ni Dahlia Aseniero, Health Education and Promotions Officer sa Integrated Provincial Health Office nga katuyoan sa maong ID bracelet nga mailhan sa komunidad ang mga nasangpit nga tawo kon ugaling magsuroy-suroy sila ug mareport dayon sa barangay o sa ilang local COVID-19 task force.
Photo courtesy: Victory Zamboanga del Sur
