General Santos City— Giangkon Ni Gensan City Councilor Atty. Franklin Gacal Jr, chairman sa Committee On Peace And Order sa knseho nga aduna siya’y tulo ka mga pulis gikan sa police station 1 ang gikonsiderang lubog kon nagahatag lang ug tag 12mil ka pesos sa ilahang opisyal aron nga dili na muduty matag bulan.
Pamahayag niya nga iyaha ng gihuptan ang tulo ka mga pangalan ug iyahang kini gi-awhag nga mubalik na ug duty ayha pa man niya ihatag ngadto kang Police Senior Superintendent Raul Supiter, Acting City Director sa GSCPO ang iyahang listahan.
Sumala niya nga posibleng wala nay pulis nga makit-an sa kadalanan gumikan tanang ang nahimo ng lubog.
Samtang, gibutyag ni Police Senior Superintendent Raul Supiter nga iyaha nalang nga ginahulat ang maong mga pangalan aron nga ma-imbestigahan. Pag-angkon niya nga aduna gyu’;y susamang nagakahitabo kung asanahimo na kining praktis sa uban ug aduna nay nadakpan sa ubang lugar, apan sa Gensan, kini ang iyaha pang sutaon.
Gihingusgan sa nasangpit nga opisyal nga walay lugar sa organisasyon sa kapulisan ang susamang mga pulis gumikan halos tanang prebilihiyo ug benipisyo ang gihatag na ngadto kanila ug wala nay rason nga dili sila magtinarong sa ilahang trabaho.
