Mga lugar nga gamiton vaccination center sa Bacolod, na-inspect na

16

Natapos na ang inspection nga ginapatigayon sang Bacolod Covid-19 Vaccination (COVAC) Council para sa mga lugar nga paga-gamiton nga vaccination centers para sa coronavirus disease vaccine program sang Bacolod City.

Ginpahayag ni Councilor Renecito Novero, isa sa mga katapo sang COVAC Council nga 26 ka mga centers nga nahamtang sa nagkalain-lain nga mga barangay sa ciudad ang natigayon nga ma-identify bilang vaccination centers.


Nahibaluan nga kalabanan sa mga vaccination centers amo ang mga barangay gymnasiums subong man mga eskwelahan.

Damlag pa, ginpropose sang COVAC nga himuon 30 ang mga vaccination centers sa ciudad apang ang iban nga gin-inspect ang kulang sa lugar (space) para patigayunan sang programa sa bakuna sang ciudad.

[image: image.png]

Facebook Comments