[image: Inline image 1]
Gipanglantawan nga padayong makasinati ang mga lalawigan sa Sugbo nga mipahimos sa serbisyo sa Visayan Electric Company kun VECO og rotational brownouts hangtod momando ang National Grid Corporation of the Philippines kun NGCP nga stable na ang suplay sa kuryenti .
Kini human na-kompromiso ang suplay sa kuryenti sa Visayas gumikan sa miigo nga magnitude 6.5 nga linog sa Eastern Visayas niadtong milabay’ng adlaw .
Ang maong linog labihang nakaapektar sa mga power plant sa Leyte nga maoy nagsuplay sa kuryenti sa Visayas Grid diin magkuhaan ang mga distributor sa Cebu og kuryenti .
Ang maong mga power plant nagsuplay og gibana-bana 436 megawatts nga kuryenti ngadto sa Visayas Grid .
Unom ka mga service areas sa VECO ang nakasinati og rotational brownouts sugod niadtong Huwebes sa gabii nga naglangkob sa Syudad sa Sugbo, Mandaue, Talisay, ug Naga ingon man mga munisipalidad sa San Fernando ug Minglanilla .
