Mga kasama, ugma adlawa na ( Enero 31) masaksihan ang pinasahi nga astronomical phenomenon nga mahitabo sa kalibutan kon diin makit-an ang total lunar eclipse, blue moon og supermoon.
Sumala pa sa Pagasa, nga dungan nga makit-an alas 6:58 sa gabii hangtod alas 12 sa tungang gabii makit-an ang maong phenomenon.
Ania mga kasama ang mga nag-unang mga lugar kung asa mas maayong mo-pwesto aron nga masaksihan ang maong astronomical phenomenon.
1. PAGASA Gensan- Nahimutang sa may Gensan Airport Compound Street sa dakbayan sa Gensan. Gawas sa maayong lugar, makahatag usab og impormasyon ang buhatan alang sa maong phenomenon
2. Sanchez Peak- Ang nindot og elevated nga lugar sa Sanchez Peak nga nahimutang sa may Sitio Balakayo, Barangay Olympog dakbayan sa Gensan. Ang taas nga lugar niini ang makahatag og maayong atraksyon sa kawanangan.
3.Queen Tuna Park- Ang libreng entrance sa Queen Tuna Park ang usa usab sa mga nindot nga lugar alang sa maong astronomical phenomenon. Tungod nga nag-atubang kini sa Sarangani Bay, klaro usab nga makit-an ang mga panghitabo sa kawanangan.
4. Rooftop in Hotel San Marco- Usa usab kini sa mga maayong lugar alang sa pagtan-aw sa mga aktibidad sa kawanangan. Ang Hotel San Marco ang nahimutang sa may Jose P. Laurel Avenue General Santos City.
5. KCC Mall of Gensan Rooftop- Samtang nag-shopping mamahimo usab nimo makit-an ang maong phenomenon sa maong lugar kon diin klaro nga masaksihan ang kawanangan.
Photo from web
