Gipugos lamang sa pagpabakwit ang mga lumad sa may Diatagon, Lianga Surigao del Sur. Kini ang pamahayag ni Colonel Andress Centeno, Commander sa 401st Brigade Philippine Army arun musibog ang militar sa operasyun. Sumala pa sa opisyal layo ra kaayo sa kumunidad sa IP ang operasyun sa brigade busa walay angay ikahadlok ang mga lumad. Grupo sa nagpadagan sa ALCADEV ug mga militante ang anaa luyo sa pagbakwit. Kasamtangang atua karon sa Kilometro 9 sa Brgy. Diatagon, Lianga, Surigao del Sur ang mga lumad nga nagbakwit gikan sa 12 ka mga komunidad. Kini ang gibutyag ni UCCP Bishop Modesto Villasanta. Sumala pa, ang hinungdan nganong nagbakwit ang mga lumad sa lugar tungod sa kahadlok nga maipit sa nagpadayon nga operasyon sa militar. Madumduman nga una nang gihimakak sa militar nga dili tinood ang report nga adunay mga lumad nga nagbakwit sa lugar. Sent from my Samsung Galaxy smartphone.
