Nagpahimangno ang Bureau of Fire Protection kon BFP sa mga mamagliya ug firecrackers ug pyrotechnics nga kinahanglan nga magkuha ug permit.
Sa interview sa RMN Malayhbalay ngadto kang Senior Inspector Lyod Villaroya, ang City Fire Marshal sa Malaybalay City Fire Station gibutyag niini nga kinahanglan makuha ug permit ngadto sa BFP ug sa Philippine National Police kung malaligya ug pabuto.
Matud ni Villaroya nga kung kaniadto sa BFP lang mukuha ug permit karon apil na sa PNP.
Hugot usab daw ang ilang pagsunod sa executive order ni Pangulong Rodrigo Duterte nga nag-regulate sa paggamit sa pabuto ilabina karong pagsugat sa Bag-ong Tuig.
Tumong niini aron malikayan ang pagbuthan sa mga pabuto nga posibleng musangpot pa ngadto sa pagkamatay.
Nasayran nga ilawom sa EO bawal mupalit ug magpabuto ang mga nag-edad ug 18 anyos paubos.
Una nang nagtambag ang Department of Trade and Industry nga sa dili pa mupalit sa mga pabuto kinahanglang pangitaon sa packaging ang tatak nga Philippine Standard o PS mark aron masiguro nga luwas kini.
