General Santos City–Nagpadayon pa ang ginahimong Fire Safety Inspection karon sa Bureau Of Fire Protection-Gensan sa mga tindihan ug indibidwal nga adunay plano nga mamaligya ug mga fireworks sa umaabot nga pasko ug bag-ong tuig.
Sumala pa ni SFO2 Maria Myla David ang Tigpamaba sa BFP-Gensan nga gikinahanglan matud pa nga mag pailalum sa Fire Safety Seminar ang mga negosyante ug pabuto sa syudad partikular na sa oval plaza.
Tumong matud pa niini nga adunay kahibalo ang mga nagapamaligya ug pabuto sa angayan nilang buhaton aron usab nga masiguro nga luwas ang ilang lugar kung asa sila nagapaninda ingon man kung sakto ba ang mga fireworks nga ilang ginabaligya.
Ayha matud pa mahatagan ug permit ang mga nasangpit gikinahanglan nila mo-pailawom sa seminar.
Samtang mag pahigayon man usab ug surprise inspection ang BFP-Gensan sa mga tindahan sa mga pabuto ug ang masikop nga mi-supak ug namaligya ug mga bawal ang kumpiskahon ang ilang mga baligya.(Dave Silagan)
