Pagadian City, Zamboanga del Sur – Nagtoo ang militar nga mga sakop sa bandidong Abu Sayyaf Group ang midagit sa lima ka mananagat sa isla Sulu kini ang gibutyag ni Brigadier General Cirilito Sobejana ang commander sa Joint Task Force Sulu.
Giila ang gidagit nga sila si Vergel Arquino, 25; Jushua Ybanes, 23; Emo Fausto, 63; Junald Minalang, 24; ug , Spriano Sardido, 53.
Si Arquino lamang sa lima ang taga Davao City, og ang tulo taga syudad syudad Pagadian si Emo lumulupyo sa Baganian, Tabina, Zamboanga del Sur.
Ang mga biktima empleyado sa F/B Danvil 8 nga gipanag-iyahan ni Danvil Yanoc nga nakabase sa Pagadian City. Sumala ni Sobejana ang mga biktima gidagit 8:15 sa gabii niadtong sabado sa mga gituohang sakop sa Abu Sayyaf sa kadagatan sa Pangutaran, Sulu.
Gipugos pagpasakay ang lima ka biktima sa duha ka banca.
Sa interview sa RMN kang Lt. Carlos Dela Rosa mitaho si yanoc sa Coast Guard Station sa syudad nga ang iyang duha ka panagatan nga Fishing Boat Danvil 8 ug Danvil 2 lakip ang siyam ka lightboats ang gisaka sa mga armadong kalalakin-an samtang nipundo sa kadagatan sa Poblacion Pangutaran gumikan sa maot nga panahon.
Gimando na ni Dela Rosa ang tropa sa pagsuta sa mga lugar nga posibleng gidad-an sa mga biktima.
