Davao City- Naaresto sa kapolisan sa Sta. Ana ang duha ka mananagat atol sa ilang gilusad nga buy bust operation alas-3:40 sa kahaponon sa Purok 1 Barangay 76-A syudad sa Davao.
Subay sa report sa Sta Ana PNP, ang mga dinakpan mao sila si Windel Benitez, 32 anyos nga taga Block 62 Barangay 21-C ug usa ka menor ded edad nga si alyas Nasser nagpuyo sa Purok 8 Barangay 76-A Bucana ning syudad.
Giposasan ang duruha human kini napalitan sa usa ka poseur buyer og usa ka sachet nga gituohang shabu sa kantidad nga 500 pesos.
Narekober gikan sa mga dinakpan ang upat ka elongated heat sealed transparent plastic sachet nga gituohan shabu, 500 pesos buy bust money, usa ka pouch ugusa ka unit sa cellphone nga maoy gigamit sa mga suspek sa iligal nga transakyson.
Ang duha ka dinakpan balhug na sa Sta Ana Pnp ug karon adlawa ikiha ang ilang kaso sa City Prosecutor’s Office sa kasong kalapasan sa RA 9165 kon Comprehensive Dangerous Drugs Act of 2002.
RadyoMaN Don Pulayao
