Snatcher sikop sa kapolisan

12

Davao City – Giaresto sa San Pedro PNP ang usa ka kawatan nga nanglabni og usa ka cellphone alas-9:00 sa kagabhion sa Palma Gil St.syudad sa Davao.

Base sa rekord nga nahipos sa San Pedro PNP ang biktima sa pagpanglabni mao si Regine Dotollo, 26 anyos, dalaga nga taga-Times Beach Barangay 76-A samtang ang suspitsado mao si Ariel Calibay, 21 anyos residenti sa Barangay Pangian Malita Davao Occidental.

Matud pa samtang kining biktima naglingkod sa usa ka traysikad sa nasangpit nga lugar kalit kini giduol sa suspek dayon gilabni ang iyang cellphone nga mukantidad og 15,000.00.

Human sa hitabo misibat gilayon ang suspek apan gigukod kini sa mga nakakita ug dali kining nagpatabang sa kapolisan resulta sa pagkasikop ni Calibay ug nabawi ang cellphone lakip narekober ang usa ka kutsilyo nga adunay gitas-on nga pito ka pulgada.

Ang suspek gidala sa Southern Philippines Medical Center ug posibleng mag-atubang og kasong qualified theft.

RadyoMaN Don Pulayao

Facebook Comments