Mga mangunguman sa banwa sang Tampakan ginpaidalom sang TESDA sa training.

26

Nag-umpisa na ang pagpaidalom sa training sa 50 ka mga mangunguma halin sa mga nagkalain-lain nga barangay sang Tampakan sa idalom sang programa sang Technical Education and Skills Development Authority sa bulig naman sang Local Government Unit sang Tampakan.

Ang 39 ka adlaw nga training sa Pest Management Vegetables NC II kag Organic Agriculture Production NC II ang pangunahan sang mga trainor sang SUNAS kag TESDA provincial office.

Ang nasambit nga training ang magabulig sa mga magsasaka sang Tampakan agud nga mapabakod ang produksyon sang ila mga pananom tungod naman sa demand subong nga may COVID-19 pandemic.

Halin sa mga Barangay sang Danlag, Pulabato, Maltana, Tablu kag Miasong sa Tupi ang mga benepisyaryo nga ginpili naman sang Tampakan LGU.

Magluwas sa libre nga training kag national certificate makabaton man sang training allowance, insurance fee, Internet Allowance kag Human Protective Equipment Fee ang mga benepisyaryo.

Ginsiguro man sang Tampakan LGU nga magasunod sa minimum health protocol ang pagpatigayon sang training agud maprotektahan ang mga benepisyaryo sang programa.

Matapos ang training himuon naman ang ila nga practical ukon actual training sa survival garden sang tampakan nga yara sa 1800 feet above sea level ang kataason kag ginabulubanta mangin vegetable basket sang banwa.




Facebook Comments