Iloilo City – Pagahanason sang Local Economic Enterprise Office (LEEO) ang mga manugbaligya sang karne sa merkado sang syudad angut sa meat safety.
Magapaidalum sa basic orientation training on meat safety ang mga meat vendors sa Pebrero 9.
Naglambot sa 150 ka meat vendors, dealers kag processors ang ginalauman nga magapasakop sa training nga pangunahan sang mga veterinarians gikan sa Department of Agriculture, Bureau of Animal Industry, Food and Drug Administration, kag Iloilo City Health Office.
Suno kay LEEO Head Jose Ariel Castaneda isa lamang ini ka pillar programs sang DA gani magadugang pa sila sang mga food safety related programs agud mapahibalo ang tanan sang proper sanitation.
Dugang pa sini nga ini nga initiative nagasuporta sa meat safety act nga nagatalana sang mga pagsulondan para sa meat safety kag mga produkto gikan sa sapat, makatukod kag makamaintain sang kinahanglan nga national standards sang ihawan, maregulate ang exportation kag importation sang karne kag makaestablish sang meat safety schemes. /// Photo from web
