Ginpanugyan karon ni acting City Mayor Joe Espinosa III sa mga manugbaligya sang ukay-ukay sa Mandurriao Plaza nga himuson na lamang kag pangkakson ang ila mga kiosko kon indi nila luyag nga i-demolish.
Ginhimo ni Espinosa ang pahayag matapos nag-umpisa na sa pagbaligya sang ukay-ukay ang pilam ka mga negosyante sa plaza sang Mandurriao angut sa nagahiulapit nga kapiyestahan sang Distrito sa masunod nga bulan.
Suno sa acting Mayor nga mas maayo nga boluntaryo na lamang nga mangkakas sang ila kiosko ang mga manugbaligya sang ukay-ukay bangud iya gid ini ipa-demolish.
Ginapanindugan ni Espinosa nga sa idalum sang kasuguan, ilegal ukon ginadi-lian ang pagbaligya sang ukay-ukay sa mga public plaza.
