Pagadian City – Nagsugod na sa pagbisita sa mga sam-ang sa dakbayan ug probinsya ang mga katawhan aron moduaw sa ilang mga minahal sa kinabuhi nga nipanaw na sa laing kalibutan subay sa paghandum sa adlaw sa mga santos ug sa kalag-kalag. Namatikdan sa DXPR Newsteam nga dyutay lang ang mga tawo nga nibisita sa lubong ilang mga minahal sa kinabuhi gumikan pandemya.
Kutob nalang karong adlawa mamahimong makabisita sa menteryo sa syudad kay sirad-an kini gikan sa Oktubre 29 hangtud sa Nobiyembre 4 aron malikayan ang tapok-tapok ug dili mokatap ang virus subay sa mando sa ehekutibo ang giluwatan ni Mayor Sammy Co. Sa mga moduaw karong adlawa sa menteryo nagpahimangno ang kapolisan nga magsul-ob og facemask ug face shields aron makasulod diha sa mga sementeryo. Sama kani-adto gidili gihapon sulod sa mga sam-ang ang pagdala sa mga ilimnong makahubog, karaoke, videoke, hait ug talinis nga mga hinagiban, armas ug gidili usab ang pagsugal.
