Davao City – Dakpan sa mga barangay tanod nga gi endorso usab sa kapolisan sa Sta. Ana PNP ang 3 ka mga nga nangawat sulod sa usa ka balay diha sa Purok 3 brgy. 23-C Piapi Boulevard ning syudad.
Ang tag-iya sa balay mao si Relil Gaga Estoy, 39 anyos, purok leader sa maong lugar ang nagpatala sa kapolisan human nila nadakpan ang tulo ka mga minor de edad nga nisulod sa iyang panimalay ug nanghilabot ug mga gamit.
Sumala pa sa complainant, bandang alas 4 sa kadlawon kagahapon iyang nabantayan nga naabli na ang ilang purtahan ug nakita niya nga gipangkuha sa mga suspek ang cellpone nga mokantidad P600, Samurai bolo nga mokantidad og P3,200 Gshock nga relo nga mo kantidad og P6,000, Seiko gold plated nga mo kantidad og P2,000 ug tulo ka pakete sa sigarilyo ug cash.
Daling misibat ang mga suspek apan nakit-an kini sa mga residente nga nakapuyo dinhing dapita ug gisumbong sa mga nag ronda nga mga barangay tanod.
Didto nadakpan ang tulo ka mga suspek ug nakuha gikan kanila ang pipila ka mga gamit nga gipanag iyahan sa complainant.
RadyoMaN Paul Canono
