Mga minor nga nangawat sa tindahan didto sa Siocon, nasikop sa kapulisan

18

Siocon, ZDN- Gitugyan na sa Municipal Social Works and Development Office ang mga menor de edad nga nangawat sa usa ka refilling station ug Gas Station sa miaging adlaw.

Kahibaloan nga ang usa ka negosyante nga si Emelita Visitacion, mitaho kini sa Siocon MPS aron magpatala may kalabot sa pagpanghulga kaniya nga patyon ug sunogon ang iyang gasolinahan.

Ang grupo sa mga kabataan gilangkuban sa upat ka mag menor de edad nga nagpangidaron sa 15 anyos ug pulos kini taga Brgy. S. Arabi, Siocon ug lain pang usa ka minor nga wala naila.

Matod pa ang maong mga bata nangawat kini sa Quinex Grocery, Refilling Station ug Gas Station nga iya ni Emelita P. Visitacion.

Sa reklamo sa tag-iya nga iya nalang namatikdan nga nawagtang na ang iyang pipila ka mga baligya sama sa sabon, noodles, sigarilyo ug etc.

Gi dugang sab sa tag-iya nga apil nga gikuha ang iyang Rayban nga sunglass mokantidad ug P10mil lakip ang mga gadget nga mokantidad sab ug P20mil.

Swerte usab nga mibalik sa gas Station ang mga gidudahang mga minor, hinungdan nga dali kining gitaho sa Siocon MPS, sa pagresponde sa kapulisan na aktuhan ang maong mga bata maong dali kining gisikop, na nabawi pa ang pipila ka mga gadget apan ang uban nahalin na.

Anaa karon sa kustodiya sa Municipal Social Works and Development Office ang mga minor de edad alang sa tukmang lakang.

Facebook Comments