Mga mitahan nga kanhi NPA adtong milabayng tuig, nahilakip na sa E-CLIP Program sa gobyerno

Gibutyag karon sa 8th Infantry “Dependable” Battalion sa Philippine Army nga nahilakip na sa programang Enhanced Comprehensive Local Integration Program (E-CLIP) ang mga mitahang kanhi miyembro sa New People’s Army (NPA) adtong milabayng tuig.

Sa pamahayag ni Lt. Abegail Lorenzo, Civil Military Operations (CMO) Officer sa 8th IB, Philippine Army atol sa interview sa RMN Malaybalay, gibutyag niini nga ginahulatan nalang ang pondo alang sa maong programa gikan sa nasud-ong pangagamhanan apan naproseso na ang mga mitahan isip benipisyaryo sa maong programa.

Dugang pa ni Lorenzo nga ang ginahulatan usab nila ang iskedyul sa Department of Interior and Local Government (DILG) sa pag-award sa pondo gikan sa gobyerno.

Sigon pa ni Lorenzo nga nadugay ang pag-award sa maong pondo gumikan sa ilang nahibal-an nga ginababagan kini sa usa ka grupo, apan mapanghinauton gayud ang buhatan nga mas mapadali ang pagrelease sa maong pondo aron nga mapanghimuslan sa mga mitahan nga kanhi miyembro sa NPA.