Gi-aghat sa Department of Social Welfare and Development kon DSWD Region 10 ang mga miyembro sa Pantawid Pamilyang Pilipino Program kon 4ps nga mu-apil sa himoon nga job fair karong adlawa.
Sa interview sa RMN Malaybalay ngadto kang Oliver Inodeo, ang focal person sa 4ps region 10 gibutyag ninii nga nakiglambigit ang Department of Labor and Employment ngadto sa DSWD sa ilang 2018 Nationwide Labor Day Trabaho, Negosyo, Kabuhayan Job Fairs karong adlawa.
Dinhi sa Northern Mindanao, himoon sa DOLE ang job fair sa Atrium, Limketkai Center, Cagayan de Oro City.
Muhatag ang DOLE ug employment assistance ngadto sa 4Ps ug ESGP-PA grantees nga nangita ug trabaho.
Mahimong pinasahi matud pa kini tungod kay adunay express lanes alang sa mga 4ps members atol sa mao nga job fair.
Matud ni Inodeo nga tanang 4Ps ug ESGP-PA grantees nga nangita ug trabaho ug adunay access sa internet access gitambagan nga mo-rehistro una sa PhilJobNet ug pre-register sa job fair.
Ang mga benepisiyaryo nga walay internet access kinahanglan nga mag- fill-up ug National Skills Registriation Form (NSRP Form) 1 kon Jobseekers Registriation Form ug ipakita ang mao nga porma karong adlawa didto sa himoon nga job fair.
