Davao City – Human sa ubay-ubay na nga reklamo sa mga konsumante sa Tagum City Public Market, giaksyunan dayon kini sa sa City Economic Enterprises Office (CEEO) ug City Veterinary Office (CVO).
Naglusad og inspeksyon ang otoridad sa mga produkto sa palengke niadtong May 22, 2024 ug didto nakumpiska ang 167 kls. sa karne tungod sa dili maayong kalidad niini. Aduna usab matud pay mga karne o isda ang ginabutangan og artificial coloring aron mura’g presko o lab-as lantawun.
Padayon pa ang operasyon sa CEEO ug CVO aron masigurong hapsay ang pagpamalengke sa sa syudad.
Kini human sa sagunson nga panawagan sa katawhan nga gi-post sa social media nga aduna matud pa silay mapalit nga ranso na ug dili na makaon pa nga karne ug isda nga nadubok na.
RadyoMaN Ivy Parido
Facebook Comments
